ايش عرفك

لأنى من مدمنى الدخول عند نوارة نجم
دخلت النهاردة مدونتها جبهة التهييس الشعبية
ولقيتها بتدعو لحملة ايش عرفك للمدعو جمال مبارك
نوارة كتبت الدعوة من هنا والمشاركات جت من كل حدب وصوب
ده كلام نوارة
ايش عرفك انت اللي بيقبض 300 جنيه في الشهر وعنده عيلين بيعيش ازاي؟ جربت تعيش بتلتميت جنيه في الشهر بطولك؟

2- ايش عرفك انت لما اي حاجة بتبوظ (تلفزيون، تلاجة، عربية، جلدة حنفية، تليفون) في بيت موظف مرتبه الف جنيه بيعمل ايه؟

3- ايش عرفك انت باحساس الناس اللي واقفة في الاشارة لحد ما نبت لها جدور في الارض عشان حضرتك او اي مسئول تاني معدي؟ عمرك استنيت حد؟

4- ايش عرفك انت باحساس واحد راكب اسانسير فيه حوالي خمستاشر واحد؟ واحيانا بيبقوا تلاتين؟ عمرك شميت؟

5- ايش عرفك انت شكل سواق الميكروباص، بعد ستاشر ساعة لف في عربية شكمانها منفس وتعامل مع ركاب ياكلوا دماغه عشان خمستاشر قرش وامين شرطة بيطلب منه اتاوة، وهو راجع بالليل البيت بيعمل ايه في مراته؟

6- ايش عرفك انت بقى بمراته بتعمل ايه في عياله عشان تفش غلها؟

7- ايش عرفك انت بيعمل ايه العامل اللي بقاله تلات شهور ما قبضش مليم؟

8- ايش عرفك انت بفلاح صرف اللي وراه واللي قدامه على زراعة القطن عشان يجهز بنته وجيتوا انتوا بمنتهى البساطة عملتوا فيه مغرز وادتوا له تقاوي بايظة: مدودة، طلعت المحصول اصفر، ما طلعتش محصول اصلا؟

9- ايش عرفك انت بواحدة ست جوزها عاطل (مرفود من مصنع مثلا) وهي اللي بتشتغل بتعمل ايه عشان تحوش القسط الاولاني بتاع المدرسة؟

10- ايش عرفك انت بحال المواطن والموظف في المصالح الحكومية: السجل المدني، المرور، الجوازات..إلخ؟ وايش عرفك بالمرتب اللي بيقبضه الموظف وبالرشوة اللي بيدفعها المواطن؟

-------
ودى اقتراحات الزوار

إيش عرفك بخريج جامعة أو تعليم متوسط مش لاقى شغلانة لا بشهادته و لا من غيرها و معندوش واسطة؟



إيش عرفك بواحد أبوه إترفد من شغله و مابقاش يقدر يصرف عليه و لا على إخواته فإضطر يسيب المدرسة و يدور على رزقه فى الشوارع؟



إيش عرفك بمهندس خبرة خمس سنين لأ و بيشتغل و بشهادته و قطاع خاص و مع ذلك مرتبه ما يجيبلوش شقة لو حوشه كله 15 سنة؟



---
سؤال بسيط لو سمحتي



هو مش جيمي برضة ممته نصها انجليزي و نصها مصري؟

يعني جيمي 75% منه بس مصري

و على حسب معلوماتي ان اللي زيه لا يصلح ان يكون عسكري في الجيش اصلا فكيف يصبح القائد الاعلى للقوات المسلحة و هو 25% منه انجليزي؟

سؤال اصغر

هل جيمي عند بسبور انجليزي؟

----
وانا هاضيف من عندي كمان :


ايش عرفك انت باحساس شاب لسه في العشرينيات وقلبه حزين وعنده احباط ويأس الدنياكله راكبه وتشوفه تديله 100 سنه.
اتقتل طموحه وكل الابواب مقفوله في وشه هو ومفتوحه علي مصراعيها للتافهين والاغبياء والفاشلين

ومطلوب منه يكون انسان كوووووووول وميحقدش علي ولاد الناس الواصلين علي الرغم من تفوقه وكم الشهادات العليا وكورسات اللغه والكمبيوتر اللي واخدها لكن مش عارف يلاقي مكان محترم يقبله للعمل فيه وكل ده لسبب بسيط لأنه معندوش واسطه واسطته دراسته وعمله الجاد ودول موصلهوش لاي حاجه...


-------
ايش عرفك انت بواحدة ست عجوزة ماتت في سريرها وحيدة بتبكي ان ولادها كلهم مش جنبها عشان راحوا الخليج بعد ما ضاقت بيهم الدنيا هنا عشان يعرفوا يستروا نفسهم

ايش عرفك انت باوضة وصالة ساكن فيها 3 اسر بملحقاتهم

ايش عرفك انت بناس ساكنة في عشش كل 10 اسر ليهم حمام واحد مشترك

ايش عرفك انت بواحد ولا واحدة عزيز النفس مش لاقي يأكل عياله ويسترهم وبيستعفف ومش هاين عليه نفسه يشحت

ايش عرفك انت بناس بتموت عشان مش لاقيين تمن الدوا

ايش عرفك انت بينا انت مش مننا على فكرة



---------
إيش عرفك



انت وانت اللي قابض علي نفسنا بعد المتعوس ابو كلت مدلدل اللي مسكك البلد دى ان فيه 10 مليون معاق اللهي اللي فيهم يجي فيك يابعيد انهم مبيشتغلوش ولا ليهم تأمين صحي محترم ولا سكن يلهم ولا جوازة تعفهم ايش عرفك انت وانت عامل فيها فرعون تيت اوى وعامل فاهم البلد جتنا نيله في حظنا بعد ما السادات خمنا وجابك

------
ايش عرفك انت بحالنا وحال عيال وعمال المصانع في بلدنا



ايش عرفك ومين فينا اصلا عاوز يعرفك





من الاخر خليك بعيد لانك متشرفناش رغم اننا نشرفك

---------
ايش عرفك ب 5 ماتوا مخنقوين من السحابه السوداء وناس عندها ربو و ازمات حتى الهواء النضيف مش عارفين يشموه؟



ايه عرفك بواحد عنده الكبد و استسقاء وبيعملوله بزل كل شويه و بيلف على التامين الصحى علشان يلاقى الدواء و لسه بيشتغل لاخر نفس علشان يوفر لولاده لقمه؟



ايه عرفك بمعنى انك تكون مصرى ابن مصرى شريف وتتعامل معمله الكلاب فى القسو ولو حد طلع بسبور امريكانى ؟؟

ينضربله تعظيم



ايه عرفك عن شاب باع الى وراه والى قدامه علشان يركب قارب فى البحر علشان ياكل اكله نضيفه؟



ايه عرفك باكل مسمم بالمجارى و انت بتاكل الاورجنك؟



ايه عرفك بواحده غلبانه بتحط القرش على القرش علشان تجيب خلاط لجهاز بنتها احسن الجوازه حتبوظ؟





انا بصراحه لو انفتحت مش حسكت خلى الى فى القلب فى القلب بقه

------
ايش عرفك انت بواحد ساكن فى عشة

يصحى من نومه ويكون فطاره صخرة تقع عليه تدفنوا تحتهاو مقدرتش تطلعه, عمرك صحيت من النوم؟



ايش عرفك انت باحساس ام مستنية ابنها يرجع من غربته هو وابنه من السعودية و الحوت ياكلهم فى البحرو الحوت ياخد 7 سنين,عمرك حسيت بالظلم ؟



ايش عرفك بام تانية ابنها نازل يعيد عليها ويولع فى قطار. عمرك ركبت قطار؟

-----
ايش عرفك بـ شباب كتير بيدرسوا حاجة مش طايقنها لمجرد ان مكتب التنسيق رماهم فيها ؟؟



ومع ذلك بيذاكر وبينجح بيتخرج



ايش عرفك بطلبة الانتساب المشوخين من الدكاترة وادارة الجامعة اللي عاملاهم سبوبة بصرفوا بيها علي الجامعة وكل شهر زيادة في الرسوم واخرها مفيش حضور علشان انفلونزا الخنازير





ايش عرفك بواحد طالع عينه علشان يحوش 95 جنيه اشتراك نت من الزبالة وفي الاخر السنترال يتعوج ويقوله خطك مش نافع روح غيره



ايش عرفك بأربعة جيران مشتركين مع بعض في وصلة نت علشان الاشتراك عالي



ايش عرفك بموظف شاطر وعنده 24 سنة وشغال 15 ساعة بمرتب 600 جنيه مع العلم بأن صاحب الشركة مليونير



ايش عرفك بالبنات اللي بتبيع نفسها وشغالة جرسونة في كافيه علي البحر علشان الف جنيه مع العلم ان كهم مؤهلات عليا



ايش عرفك ب بنت اتجوزت من واحد خليجي اكبر من ابوها واتطلقت وعي مجبتش 25 سنة



عايزة تاني ولا اكتبهم في بوست عندي ؟؟

--------
أسمحولى ابأه أنانى شويه



أيش عرفك أنت



بخريج هندسه حاسبات وأهله طفحوا الدم فى كورسات علشان ياخد أكبر شهادات تقنيه فى العالم وبيتفرج على أعلان (أشتغل أى حاجه لا القطر يفوتك)
ومطلوب منه 25 الف جنيه علشان يتعين فى الحكومه ؟!!!!!
------
ايش عرفك انت

ايش بلدي بمسامير

وايش فينو بنص جنيه

واللي يايش ياما يشوف



اللهجة معدلة عشان ماننساش الربع الانجليزي



-----
طيب هحاول أشارك معاكم :
أيش عرفك أنت بشاب ترك تعليمه وبيشتغل في شغله مالوش أي دعوة بيها علشان يقدر يعيش في بلد أنت بتطمع تحكمه ؟؟؟



أيش عرفك أنت بنظام الكفيل اللي بيستعبد شباب بلدنا في الخليج وبيذلهم ؟؟؟



أيش عرفك أنت بشباب نفسهم يعيشوا كبشر في بلدهم ؟؟؟



أيش عرفك أنت بشباب كتير أنتحروا علشان شافوا من كرم نظام حكام أبوك كتير ؟؟؟



أيش عرفك أنت بشباب بيسب ويلعن في اليوم اللي أهله خلفوه فيه علشان حاسس أن خير بلده مش لأهلها ؟؟؟



أيش عرفك أنت بشباب ماشيين مع بعض ويوقفهم ظابط معفن بـ 50% ويقول لهم طلعوا بطايقكم ؟؟؟

------
ايش عرفك انت بواحد ولا واحده بيركب له 3 او اربع مواصلات علشان مافيش حاجه اسمها هيئة النقل العام او دور للحكومة فى المواصلات و سايبين عليهم سواقين الميكروباصات البلطجيه و بتوع التكاتك

ايش عرفك انت بعيل فى اعدادى مش بيعرف يقرأ و يكتب لأن تعداد الفصل بتاعه 60 تلميذ و بيروح 3 فترات دراسه تخيل عيال تروح الساعه 7 تخرج على الساعه 10 بيضحكوا على مين

ايش عرفك انت بالستات اللى بيتروح للفرارجيه علشان يشتروا كيلو رؤوس و اجنحة فراخ يعملوا عليهم مرقه ياكلوا بيها

------
ايش عرفك بالغلابة الفقراء اللى بيسترزقوا بالبيع فى المترو وكل شوية الامن يجرى وراهم و يسحبهم علشان يزهقوا و يتحولوا لحرامية؟



ايش عرفك بأم الايتام اللى بتدور تشحت علشان جوزها كان عامل سريح مالوش معاش؟

----------
ايش عرفك بالملايين اللي هجوا بره مصر و كتير منهم مش عايز يرجع تاني

ايش عرفك يعني ايه تكون بتشرف على بناء و تشطيب شقق و انت مرتبك ما يسمحلكش تحلم بأوضة حتى مش بشقة

ايش عرفك لما تكون بتمضي على مستخلصات للمقاولين بملايين و مرتبك 500 جنيه و الرشاوي بتتعرض عليك يومياً و انت تقول لأ رغم انك عارف إنك لو فضلت تحوش مرتبك 50 سنة مش حتعرف تتجوز و لا تجيب حق شقة و لا شبكة و لا مهر و لا فرح

مدلولك البصرى نور

قصيدة غزلية جديدة
للى يحب يتعرف على الجانب الآخر من الشاعر عبد الرحمن يوسف


مَدْلُولُكِ البَصَرِيُّ نُورْ ...

و النُّورُ أنْواعٌ ...
و أنـْتِ بَدَوْتِ نُورًا خَافتًا لا يُبْهِرُ الأبْصَارَ ...
بَلْ يَكْفي ليَقْرَأَ عَاشِقٌ شِعْرًا تَغَزَّلَ في شُعَاعِكْ ...
أو كَيْ يَنَامَ على سَمَاعِكْ ...
مَدْلُولُكِ السَّمْعِيُّ مُوسيقى ...
و كُلُّ العَازِفينَ تَحَيَّرُوا في فَهْمِ آلَةِ صَوْتِكِ المُنْسَابِ
كالألوانِ في رَسْمٍ بِدَائِيٍّ على جُدْرَانِ مَعْبَدْ ...
لا تَسْألي شِعْري عَنِ المَعْنى المُخَبَّأِ في تَفَاصِيلِ القَصِيدَةِ
فالقَصِيدَةُ قَدْ بَدَتْ حَصَّالَةً يَضَعُ الزَّمَانُ بِجَوْفِهَا عيدِيَّةَ الأفْرَاحِ
ثُمَّ لكَيْ يَرَى كَمْ صَارَ فيها سَوْفَ يَكْسِرُهَا
و إنَّ قَصِيدَتي في حُسْنِكِ ادَّخَرَتْ عَطَايا الشَّوْقِ
في حَصَّالَةِ الأحْلامِ في قلبي ...
فَلا تَتَسَاءَلي عَنْ أيِّ مَعْنىً في القَصِيدِ مُخَبَّأٍ
أنْتِ ادِّخَارُ العُمْرِ في حَصَّالَةِ الأفْرَاحِ ...!
فَاسْتَرْخي على حَدِّ السَّريرْ ...!
مَدْلُولُكِ البَصَرِيُّ نُورْ ...!

عبد الرحمن يوسف

من مواضيعى القديمة.. قطعة من أوروبا

أردت الحديث عن رواية "فرج" أحدث إبداعات الدكتورة رضوى عاشور ولكنى وجدتنى أكتب عن روايتها "قطعة من أوروبا " التى صدرت طبعتها الأولى عام 2003 وهذا ليس نقدا للرواية فأنا لست ناقدة ولكنها مجرد محاولة للحديث عن هذه الرواية التى لا أستطيع أن أصفها بأنها رواية عادية ومن يتعامل معها من هذا المنطلق فسوف يظلمها، هى ليست رواية بالمعنى المعروف فهى لا تبدأ بحدث ثم يستمر تصاعد هذا الحدث وتستمر عملية تشويق القارىء حتى يصل إلى نقطة الذروة وبعدها يكتشف رويدا رويدا الكثير مما كان خافيا عليه حتى يصل إلى نهاية الرواية .
ولكنها أيضا رواية ففيها بطل هذا البطل اختارت له الكاتبة صفة الناظر فهو من خلال نظره إلى زمانه ومكانه يحكى لنا حكايته والاهتمام بالزمان والمكان شىء واضح فى هذه الرواية كما هو واضح فى جميع روايات الكاتبة .
يبدأ الناظر حكايته بالحديث عن الخديو إسماعيل الذى سافر إلى أوروبا أول مرة لتلقى العلاج وانبهر بها وسحرته وأراد أن تصبح مصر على يديه قطعة من أوروبا التى ذهب إليها آخر مرة منفيا بعد أن طرد من مصر .
والراوى ولد عام 1937 زمن حكم فاروق فى وسط البلد أو ما كان يطلق عليها القاهرة الرومية ويحكى لنا ما عاشه فى سنوات طفولته وشبابه يحكى عن حريق القاهرة الذى رأى هو أنه لم يكن مدبرا من الملك بل كان تعبيرا عن غضب الشعب فى حين رآه والده الوفدى مؤامرة من الملك للتخلص من النحاس ومن حكومة الوفد . ويحكى عن زواجه وإنجابه لثلاث بنات وانفصاله عن زوجته ويتحدث عن اليهود فى مصر فى ذلك الوقت , يتحدث عن شيكوريل وعدس وشملا وقطاوى وشبرد وكل هذه الأسماء اليهودية التى كانت تشكل كيانات اقتصادية شهيرة فى ذلك الوقت ويذكر لنا أن أول علم للصهاينة يرفع على أسوار القدس كان من صنع شيكوريل .
يتنقل الناظر بين الماضى والحاضر يحكى قليلا عن نفسه ويستطرد فى الحديث عن زمانه ومكانه , يشعر بغصة حين يتذكر سؤال حفيدته له " ماذا صنعتم يا جدى , كيف أوصلتمونا إلى ما نحن فيه ؟ "
يحكى عن موت عبد الناصر الذى ترك فيه أثرا كبيرا " أعترف أننى لم أغفر له , داهمنى موته وأنا مشتبك معه أسائله بقسوة ماذا تفعل لو داهم الموت والدك فى لحظة شجار ارتفع فيها صوتك عليه وأنت مشتبك ساخط محتقن ومتحفز ثم تراه فجأة ساكنا بين يديك ؟ " ويبدو هنا إحساسه بعبد الناصر كإحساس معظم أبناء جيله به فقد رأوا فى عبد الناصر الأسطورة التى جسدت لهم كل ما تمنوه ورأوا فيه البطل الغير مسموح له بالسقوط ولكنه سقط وحين سقط لم يكن وحده حيث سقطوا جميعا معه .
يحكى لنا الناظر عن محمود الذى عرفه صبيا صغيرا وامتدت العلاقة بينهما إلى أن أصبحت صداقة ومحمود واحد من أبناء هذا الجيل وتتضح شخصيته من خلال هذا الحوار الذى يدور بينه وبين الناظر
- محمود : لا تطالبنى أن أغنى" مصر التى فى خاطرى وفى فمى " و " لبيك يا علم العروبة " وأنا أسكن فوق السطح ولا أملك وقد تخرجت بامتياز التفكير مجرد التفكير فى الانتقال من السطح واستئجار شقة من حجرتين لأتزوج فيها
- الناظر : ومع ذلك كله لم تبع نفسك ...
- محمود : ... ومع ذلك كله لا أضمن نفسى لأن أحدا لم يعد يضمن نفسه
وحوار الناظر هنا مع محمود جعله يشعر أن محمود بل جيله بأكمله يريد أن يحرمه من الأمل , ربما ولكنه لم يسأل نفسه من المسؤول عن فقدان محمود وجيله لهذا الأمل الذى يتحدث عنه
ينتقل الناظر للحديث عن نشأة الحركة الصهيونية فى مصر ويذكر أن أول جمعية صهيونية تأسست بمصر كانت جمعية تسمى باركوخبا أما آخرها فكانت جمعية أبناء هرتزل التى تأسست عام 1913 ويتذكر المجازر التى ارتكبها الصهاينة فى بلادنا ثم يتذكر مسرحية الملك لير ويتساءل : " هل كان لير فى الرابعة والخمسين من عمره حين هبت العاصفة كنت فى الرابعة والخمسين أفتقد الدقة لم تكن عاصفة واحدة كنت فى الثلاثين وكنت فى الخامسة والأربعين وكنت فى التاسعة والأربعين وكنت فى الرابعة والخمسين والآن يتعين على وأنا فى الخامسة والستين أن أواجه العاصفة من جديد " " أين لير من كل تلك العواصف " " هل تبادلنى أيها الملك المسرحى حياة بحياة ؟ أعطنى جحود ابنتيك وخذ بحر البقر والعامرية وقانا وجنين لا لن أعطيها لك هى حكايتى اذهب بعيدا يا ملك المسرح لم تعرف من الألم شيئا "
ثم ينتقل الناظر إلى الحديث عن الانتفاضة الثانية ويتحدث عن فارس عودة ذلك الصبى الذى قتله الجنود الإسرائيليون بعد أن كان يتصدى لدباباتهم وهو ممسك بحجر فى يده ويرقص الدبكة ويغنى " لو كسروا عظامى مش خايف لو هدوا البيت مش خايف " يمتلىء الناظر بالحماس بعد رؤيته للصغار الذين يتصدون للدبابات ليؤكدوا أن الدم لا يذهب هباء ولكن مرة أخرى يأتى محمود بكل ما يحمله من إحباط جيله ليقول له أن الدم يذهب هباء حين لا تتحقق نتائج التضحيات ويعيده كلام محمود هذا إلى سؤال حفيدته " كيف أوصلتمونا إلى ما نحن فيه ؟ "
ومرة أخرى يعود الناظر لإسماعيل وقاهرته التى قصد لها أن تكون قاهرة أوروبية ليس لها علاقة بالقاهرة الأخرى المختبئة خلفها ثم ينتقل للحديث عن قاهرة الضباط الأحرار وعن أحيائها ومبانيها عن مدينة نصر والمهندسين وشارع البطل أحمد عبد العزيز الذى يحمل اسم أول شهيد منهم فى حرب 1948
يختتم الناظر حكايته بالحديث عن محمد الدرة وهو ليس الشهيد محمد الدرة ولكنه شقيقه الذى ولد بعد استشهاده فى 29 نوفمبر 2002 وأسماه والده محمد ولعله بذكره لمولد محمد الدرة أراد أن يؤكد لنفسه ولنا أن الشهداء لا يموتون ليس فقط لأنهم أحياء عند ربهم يرزقون ولكن لأن فى موتهم حياة لغيرهم ولأنه إذا مات واحد فسيولد بعده عشرات يحملون قضيته ويستمدون من استشهاده القوة التى سوف تدفعهم لمواصلة نضالهم حتى يتحقق لهم النصر.
وفى نهاية الحكاية فقط ندرك أن الناظر مازال متفائلا ولم يفقد الأمل والدليل هو هذه الكلمات التى ختم أو لم يختم بها حكايته :
" لم تنته بعد حكايتى غدا أذهب لزيارة أبى الهول , طلسم الرمل فى قول المقريزى أتأمل وجهه , أتأكد أنه مازال محتفظا بمسحة البهاء على وجهه كأنه يضحك أو يبتسم , أتمم على طلسم الرمل ثم أعود إلى بيتى لأواصل الكتابة فمازلت كباقى خلق الله أسعى إلى تجنب الموت , إن استطعت إلى ذلك سبيلا . "